<!-- --><style type="text/css">@import url(https://www.blogger.com/static/v1/v-css/navbar/3334278262-classic.css); div.b-mobile {display:none;} </style> </head><body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d11856111\x26blogName\x3dSoul+to+Soul\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttp://dananeerthoughts.blogspot.com/search\x26blogLocale\x3den_US\x26v\x3d2\x26homepageUrl\x3dhttp://dananeerthoughts.blogspot.com/\x26vt\x3d6670903544516603907', where: document.getElementById("navbar-iframe-container"), id: "navbar-iframe" }); } }); </script>

لعبه اسمها حياه"من مخطوطاتى القدييمه"

Monday, December 12, 2005




غرض للحياه..
غرض من الحياه
حاقول ف الجون بصوت عالى
حياتى متلخبطه من اسبوعين فاتوا تقريبا
فوضى حقيقيه
حتى الافكار آه منها
وكمان علالمات الاستفهام
وصلت من فتره لفكره جزئيه
كنت فاعده ف وسط قرايبى
و فاتحين الكمبيوتر
بيفرجونا شويه حاجات
و جابوا حوار محمود سعد مع عبير صبرى
بالنسبالى
فكرتى عنها
كانت انسانه سخيفه مبتذله
عارف لما تحس انك ظالم؟؟
عارف لما تحس بذنب و خزى فظيع و كسوف؟؟
و انك نفسك تقول للى قدامك
آسف حكمت عليك يا غريب بالمظاهر
وانا معرفكش
معرفش الجوهر الروح الانسان
يااه الشويه اللى شفت فيهم الحلقه دى
لغبطولى دنيتى و افكارى و احاسيسى
و صحوا حاجات كتير و اسئله اكتر
و اجابات مفيش غيرها
و مع ذلك مش لاقى الحل
انت ف حيره
و اخريتها
ليه عايشيين؟؟
ليه بنتولد؟؟
ليه بنكبر؟؟
ليه بنحب؟؟
ليه بنرتبط؟؟
ليه بنتجوز؟؟
ليه بنخلف؟؟
ليه طبيعه الدنيا كده!
ليه لازم و ليه مش لازم؟؟
ليه فيه خير؟؟
و ليه فيه شر؟؟
ليه و ليه و ليه؟؟
مبيخلصوش ابدا
و ف وسط كل ده
بيرجع الواحد يبص على نفسه تانى
ما هو مافييش فايده من الهروب
حتى و لو بصوره عدم التفكيير
حبس الافكار محاوله خنقها
ايه دنيتى
فين انا
.................
اسئله اجابتها بتقول
" و ما خلقت الجن والانس الا ليعبدون"
................
ياترى الاجابه ممكن تكون وراها مليون علامه استفهام؟؟

انا عايزه ايه؟؟
طول عمرى باقول
مش عايزه
مش بحب
طب انا عايزه ايه
ايه الكيان ده
فين دنيتى
ليه الحنين ده
الاحساس ان فيه
بنى آدم جوه محبوس
روح طاقه حياه

اخترت اكون ايه؟؟
اذا كان حياتى بقت
ف وسط بحر صاخب
وانا زى القشه
بيخدنى الموج و يودينى
ريشه ف مهب الريح

"Forest Gump"
مين منا مشفش الفيلم
انك تعيش زى فورست
انك متعرفش
و لا انك تقف و تفكر
و تعرف
مهما كانت المعرفه مؤلمه

قلت مش عايزه اكون شريك
مقدرش اكون جزء
و شفت طريق طوويل قدامى
لازم اقطعه لوحدى
وحده فراغ حياه فاضيه
باقول لازم اعمل حاجه
اديها كل حياتى
هدف معركه لعبه
بدل لعبه الجواز و الشركه
لعبه كبيره تعوض كل ده
بس هيه ايه؟؟
و انا ف دراسه مبحبهاش
و ماخترتهاش
و مجال بعيييد اوى اوى
انى افكر انى اشتغل فيه
و بعييد
انا بامشى ليه؟؟
ايه الفايده ف علم مبينفعش صاحبه
و مش قادر يفيد بيه غيره؟؟
ايه الفايده ف حياه بالشكل ده؟؟
و رنت ف و دانى
كتيير اوى
كلمه عبث عبث عبث
لغايه ما كنت على شفا
انى اصرخ
لا لا لا
مش عبث
انا متاكده نم كده بس الاقى ضوء
الاقى طريق
و سكه
و اتعلم ازاى استخدم المجاديف
املا حياتى
بحياه بجد
و ناس كتيير
ميخلونيش احس انى وحيده
او انى ندمانه على اى شىء

الخوف من المجهول
ساعات بتخلى الواحد يمسك بأى شىء
أو أى انسان
بس ده ظلم للى قدام الواحد
لما تكون واخد قرار
مقدرش اقول مش حاحب
لاننا بنتنفسه و من غيره نموت
لكن انك مش حتربط نفسك
برباط القلوب الصغير ده
ولا ابدا تربط غيرك و حياتك بيه
انك قافل على قلبك باب
مفتاحه معاك
و تلاقى عابرى السبيل
بيخبطوا و عايزيين يفتحوا الباب
او عايزينك تفتحه

ساعات بتتنازع معاك حاجات
انك ممكن تساعدهم و تسمعهم
و تداويهم بس
مش زى ما هما عايزين
و انك كمان ساعات
بتحس انك تعبت
و محتاج تستريح
وانك بكده انانى
حتظلمهم معاك
حتديهم امل زايل و زايف
مش حقيقى

عشان متكونش وحيد
حتوارب الباب
و هم يقعدوا جنبه على
امل انه يتفتح
و ده مش صحيح
عشان انت متحبش حد
عمرك ما حبيت حد
حب الرباط ده عمره مكان عندك
متقدرش تحب كده
و لا تتنازل ولا تدى اوى او تضحى

انت عايز ايه بالظبط؟؟
ايه الحكايه؟؟

مليت حياتك بالفراغ و بالتفاهه
عشان تبعد عن التفكيير
خفت تفضل تفكر و تقف
و تعرف و تنجرح
بطلت كل ده
و طوول عمرك مش بتتحرك
لما اتحركت
اتحركت زى الاعمى
سيبت نفسك للموج
بايديك رميت المجاديف

لكن اللى ف الروح ف الروح
انت مش حاجه تافهه
مش ريشه ف مهب الريح
فيه حاجات بتتخانق
عايزه تعيش
عايزه تتطلع للوجود
فيه بحار قديم جواك
لو اتفتحله الطريق
حيجدف
حيفتكر و يجدف
و حيشق الموج العالى

عايز تصرخ تهز نفسك
نكسرله القيود

فهمت حاجه
ارجوك؟؟


وست الورق لقيتها
بقالها كتيير
من ساعت ايام الدراسه!!
ياه احنا بجد كبرنا

posted by Dananeer
10:28 PM

0 Comments:

Post a Comment

<< Home